Sabunçu ərazisində sürücü və piyadalar arasında maarifləndirici tədbirlər keçirilib. Bu haqda bu gün, 8 aprel tarixində Lent.az məlumat verib.
Yol hərəkəti qaydalarının təbliğinin gücləndirilməsinə həsr olunan tədbirlər RPİ-nin Dövlət Yol Polisi Şöbəsinin əməkdaşları tərəfindən təşkil edilib. Polis əməkdaşları qadağan olunmuş saatlarda ağır tonnajlı yük avtomobilləri ilə yola çıxan, avtobusu dayanacaqdan kənarda saxlayan, nəqliyyat vasitələrini səkilərdə, piyada keçidlərinin üzərində saxlayan sürücülər, həmçinin yolu təyin olunmamış yerdən keçən piyadalar aşkar ediblər.
Tədbirlər zamanı yol polisləri tərəfindən ümumilikdə 203 inzibati protokol tərtib olunub.
Bundan əlavə, 4 sürücünün narkotik vasitənin, 2 sürücünün isə içkinin təsiri altında avtomobil idarə etdiyi müəyyən olunub. Onlar barəsində qanunla nəzərdə tutulan qaydada müvafiq tədbirlər görülüb.
