Baş Dövlət Yol Polisi İdarəsi sürücülərə müraciət edib. Bu haqda BakuPlus.az APA-ya istinadən bu gün, 29 oktyabr tarixində xəbər verir.
Müraciətdə bildirilib ki, həftənin şənbə və bazar günləri avtomobil yollarında hərəkət intensivliyinin digər günlərə nisbətən daha da artacağını nəzərə alaraq, xüsusilə səfərə çıxan sürücülərə əlverişsiz havalarda daha diqqətli olmaq, sürət həddini real vəziyyətə uyğun nəzarətdə saxlamaq, nasaz nəqliyyat vasitələri ilə yola çıxmaqdan çəkinmək, dayanma, durma, parklanma, eləcə də ötmə və manevr zamanı təhlükəsizlik qaydalarına ciddi əməl etmək tövsiyə edilir.
Mövsüm üçün xarakterik olan yağışlı, dumanlı hava şəraiti müşahidə olunur və bu amillər yol hərəkəti təhlükəsizliyinə bilavasitə təsir göstərir.
Xüsusilə gecə və səhər saatlarında dumanlı, yaxud çiskinli hava yollarda görmə məsafəsini əhəmiyyətli dərəcədə məhdudlaşdırır ki, bu da sürücünün digər hərəkət iştirakçılarını, yol nişanlarını, nişanlanma xətlərini, ümumiyyətlə nizamlama vasitələrini vaxtında və aydın görməsinə ciddi maneə yaradır.
