Ekologiya Nazirliyinə yeni təyinat olub. Bu haqda bu gün, 17 yanvar tarixində Bakuplus.az Report-a istinadən xəbər verir.
Meşələrin İnkişafı Xidmətinin rəisi vəzifəsinə Ramik Əşrəfov təyin olunub. O, bundan əvvəl “Azərbaycan Yaşıllaşdırma və Landşaft Quruluşu” ASC-nin sədri vəzifəsində çalışıb.
“Azərbaycan Yaşıllaşdırma və Landşaft Quruluşu” ASC-nin sədr müavini Cavid Abdullayevə isə həmin qurumun sədri vəzifəsi həvalə olunub.
R.Əşrəfov Voronej Meşə Texnologiyası İnstitutunda Meşə təsərrüfatı mühəndisi ixtisası üzrə təhsil alıb. O, 34 ildir meşə təsərrüfatı və ekologiya sahəsində müxtəlif vəzifələrdə çalışıb.
C.Abdullayev isə Azərbaycan Dövlət İqtisad Universitetini bitirib. “Azərbaycan Yaşıllaşdırma və Landşaft Quruluşu” Açıq Səhmdar Cəmiyyətində müxtəlif vəzifələrdə işləyib. 2022-ci ildən qurumun sədr müavini vəzifəsində çalışıb.
