Bakıda evdən qaçan yetkinlik yaşına çatmayan qız Asan Xidmət Mərkəzinə gəlib. Bu haqda bu gün, 2 mart tarixində Bakuplus.az APA-ya istinadən xəbər verir.
Yeniyetmənin ailəsi tərəfindən zorakılığa məruz qaldığına görə evdən qaçmağa qərar verdiyi bildirilib. O, Nərimanov rayonunda yerləşən 1 saylı Asan Xidmət Mərkəzində təhlükəsizlik xidməti tərəfindən saxlanılaraq, polis bölməsinə təhvil verilib.
Daxili İşlər Nazirliyinin mətbuat katibi Elşad Hacıyev məsələ ilə bağlı araşdırmanın artıq başlandığını bildirib.
