Ötən gecə Türkiyədə dünyasını dəyişən Azərbaycanın sabiq vergilər naziri Fazil Məmmədov noyabrın 5-də dəfn olunacaq. Bu haqda bu gün, 4 noyabr tarixində Report Məmmədovun ailə üzvlərinə istinadən məlumat verib.
Sabiq nazirin cənazəsi bu gün Bakıya gətiriləcək, sabah isə Yasamal qəbiristanlığında torpağa tapşırılacaq.
Daha öncə məlum olub ki, Azərbaycanın keçmiş vergilər naziri Fazil Məmmədov dünyasını dəyişib. Onun ürək çatışmazlığından vəfat etdiyi bildirilib.
Fazil Məmmədov 2000–2017-ci illərdə vergilər naziri vəzifəsində çalışıb. Həmçinin o, 2007–2018-ci illərdə Azərbaycan Güləş Federasiyasının prezidenti olub.
