Şəhid Səbuhi Əhmədovun qardaşı Sənan Əhmədov ona təqdim olunan mənzildən imtina edib. Bu haqda bu gün, 28 sentyabr tarixində Bakuplus.az sosial şəbəkələrə istinadən xəbər verir.
Sosial şəbəkələrdə uşaq evində böyümüş şəhid Səbuhi Əhmədovun qardaşı Sənan Əhmədovun ona təqdim olunan 1 otaqlı mənzildən imtina etməsi ilə bağlı videogörüntülər yayılıb. O, 2 otaqlı mənzilin verilməsini xahiş edib.
Məsələ ilə bağlı Əmək və Əhalinin Sosial Müdafiəsi Nazirliyinin Sosial Xidmətlər Agentliyinin (ƏƏSMN) Mətbuat katibi Murad Haşımov bildirib ki, Sənan Əhmədov şəhid ailəsi statususuna aid deyil. Ancaq internat məzunu kimi həssas qrupa aid olduğundan, ona 1 otaqlı mənzil təklif edilib. Həmçinin ona bir neçə dəfə həm əyani, həm da telefonla qanunvericilik barədə ətraflı məlumat verilib.
