Ermənistan silahlı qüvvələrinin törətdiyi texribatın nəticəsində 19 yaşında şəhid olan əsgər Fərid Quliyevin dəfn mərasimi bu gün, sentyabrın 16-da Lökbatan qəsəbəsində keçirilir. Bu barədə Bakuplus.az xəbər verir.
Ailənin yeganə oğlu olan Fəridin cənazəsi Bakıya gətirilərək ailəsinə təhvil verilib. Şəhidin nəşi Qaradağ rayonunun Şəhidlər Xiyabanında torpağa tapşırılacaq.
Fərid Quliyev 166 nömrəli məktəb-liseydə təhsil alıb. Orta təhsilini bitirdikdən sonra hərbi xidmətə yollanıb. Şəhidin qohumu Vasif Ələsgərovun verdiyi məlumata görə, Fərid xüsusi təyinatlı dəstədə xidmət edib.
Şəhidin atası Vahid Quliyev Dövlət Neft Şirkətinin (SOCAR) əməkdaşıdır.
