Avqust ayında Azərbaycanda səfərdə olan məşhur qastrosəyyah və bloger Mark Vins (Mark Wiens) Azərbaycan mətbəxi haqqında videomaterialı yayımlayıb. Bu haqda bu gün, 10 oktyabr tarixində Bakuplus.az məlumat verir.
Bakı ilə yanaşı, Qaxda, Şəkidə və Qəbələdə olan Vins öz on milyona yaxın tamaşaçısına qədim Azərbaycan reseptləri: qirs, piti, dolma, plov, turşu qovurma, səbzi qovurma, fisincan, təndirdə bişirilən təamlardan və bir sıra başqa milli xörəklərimizdən danışıb.
Mark Vins Azərbaycana “re:Azerbaijan” layihəsinin dəvəti ilə gəlmişdir.
Mark Vins ailəsi: həyat yoldaşı və oğlu ilə bütün dünyanı gəzərək müxtəlif ölkələrin ənənəvi mətbəxi ilə tanış olması, bu barədə geniş auditoriyaya danışması ilə məşhurlaşıb. İnstagram şəbəkəsində onun bir milyon yarım, YouTube platformasında isə 10 milyona yaxın izləyicisi var. Mark Vins ABŞ-da anadan olub, Taylandda yaşayır və “The Eating Thai Food Guide” (Tayland yemək bələdçisi) kitabının müəllifidir.
