Abşeron rayonu, Masazır kəndi ərazisində internet yenidən kəsilib.
Bu barədə Bakuplus.az-a KATV provayderinin abunəçiləri olan Masazır sakinləri məlumat veriblər.
Onların sözlərinə görə, son vaxtlar internetin kəsilməsi mütəmadi hal alıb.
Sakinlər bildirir ki, intertin nəyə görə kəsildiyini dəqiqləşdirmək üçün KATV provayderi ilə 127 "Qaynar xətti" ilə əlaqə saxlamağa cəhd göstərsələr də, heç bir nəticəsi olmur. Çünki "Qaynar xətt" nömrəsi həmişə məşğul olur. Sakinlər şühbələnirlər ki, şirkət əməkdaşları məsuliyyətsizlikləri səbəbindən texniki problemlər yarandıqda telefonun məşğul olması üçün qəsdən dəstəyi kənara qoyurlar.
Xatırladaq ki, Masazır sakinləri əvvəllər də eyni problemlə bağlı redaksiyamıza dəfələrlə müraciət ediblər.
