“Nərimanov” elektrik deposunda yenidənqurma işləri aparılıb. Bu haqda bu gün, 21 dekabr tarixində Bakuplus.az Bakı Metropoliteninə istinadən xəbər verir.
Sərnişin sayının və bu səbəbdən xəttə verilən qatarların sayının və hərəkət intensivliyinin əsaslı şəkildə artması depoların sahəsinin artırılmasını məcburi edib. Bu səbəbdən 57 il öncə inşa edilmiş depo yenidən qurulub.
Depoda qatarların təmir-baxış və dayanma-gecələmə sahəsində görülən işlər çərçivəsində daha 2 sahədə qatarlara davamlı qulluq imkanları yaradılıb. Bu məqsədlə hər 2 sahə tamamilə sökülərək yenidən inşa edilib.
Yenidənqurma işləri çərçivəsində qanovlarda özül təbəqə çıxarılaraq dərinlik qazılıb və funksional fəaliyyət üçün eniş pilləkənləri qoyulub. Döşəmədə yeni beton özül təbəqə yaradılıb, divarlar suvanaraq rənglənib. Bu işlərə paralel qanovların yan hissəsində baxış yolları müvafiq normativlərə uyğun, karbonat və çınqıl təbəqə ilə doldurularaq betonlanıb.
Qanovlarda yeni drenaj, müasir elektrik təchizatı və işıqlanma sistemi qurulub. qatarların baş vaqonunun ön hissəsinə qaldırıcı mexanizmlər də quraşdırılıb. Qatarların qəbul edilməsi və xəttə buraxılması sahəsi üçün yeni tipli müasir kommutasiya qurğuları tətbiq edilib.
Bundan əlavə, qanovlardan depo yollarına çıxan yol yatağı sökülərək çınqıllı bünövrə əsasında dəmir-beton şpallar üzərində tam yeni infrastruktur yaradılıb. Ümumiyyətlə, son 3 il ərzində park yollarında mərkəzləşdirilmiş 8 yoldəyişdirici qurğu dəmir-beton çevirici tir üzərinə keçirilib.
[caption id="attachment_124087" align="alignnone" width="640"]
Foto metro.gov.az[/caption]
