Sərnişinlər yenə metro qatarlarının hərəkət intervalındakı gecikmələrdən şikayətçidirlər.
Bakuplus.az-a müraciət edən sərnişinlər bildirir ki, artıq bu problemdən təngə gəliblər.
"Qatarlar arasında interval çox olduğu üçün stansiyalarda sıxlıq da çox olur. Deyirdilər interval 1 dəqiqə 45 saniyəyə qədər azaldılıb. Bəs bunu biz niyə görmürük? Hər dəfə də çıxıb gecikməyə görə bir bəhanə gətirirlər. Biz metronun işindən də, gülünc bəhanələrdən də bezmişik. Bakı metropoliteninin məsul işçiləri buna bir əlac tapsınlar, ya da yerlərini əlac tapmağı bacaranlara versinlər", - deyə sərnişinlərdən biri deyib.
Qeyd edək ki, Bakı metropolitenində günün pik saatlarında qatarlar arasında intervalın 1 dəqiqə 45 saniyəyə endirildiyi açıqlanmışdı.
