Paytaxtın Nərimanov rayonunda 3 küçə təmir olunaraq sakinlərin istifadəsinə verilib. Bu haqda BakuPlus.az Azərbaycan Avtomobil Yolları Dövlət Agentliyinə istinadən bu gün, 29 iyun tarixində xəbər verir.
Əbdüləzəl Dəmirçizadə küçəsinin Təbriz küçəsi ilə kəsişməsindən Aşıq Alı küçəsi ilə kəsişməsinə qədər olan 284 metrlik hissəsində aparılan əsaslı təmir işləri yekunlaşdırılıb.
Küçədə aparılan təmir işləri çərçivəsində köhnə asfalt-beton örtüyü frezlənib, mövcud piyada səkiləri 1123 kv.m sahədə bərpa olunub, küçəboyu 607 poqonometr yeni səki daşları düzülüb. Küçəboyu 4187 kv.m əraziyə 2 laydan ibarət yeni asfalt-beton örtüyü döşənib.
Təmir işləri rayonun Aşıq Alı və Yəhya Bakuvi küçələrini də əhatə edib.
Aşıq Alı küçəsinin təmiri zamanı 4339 kv.m, eni 9 metr təşkil edən Yəhya Bakuvi küçəsində isə 2880 kv.m əraziyə asfalt-beton örtüyünün döşənməsi işləri icra olunub.
Hər 3 küçədə zəruri yol nişanları, üfüqi nişanlanma xətləri, piyada zolaqları və parkinq yerləri ilə təmin olunaraq müasir görkəmdə vətəndaşların istifadəsinə verilib.
[URIS id=50453]
