Bakıda narkotik alverçisi saxlanılıb. Bu haqda bu gün, 22 fevral tarixində Daxili İşlər Nazirliyinin rəsmisi Anar Qafarova istinadən Oxu.az məlumat verib.
Bundan əvvəl sosial şəbəkələrdə, paytaxtda narkotik vasitələrin qanunsuz dövriyyəsi ilə bağlı yayılan video ilə bağlı araşdırmalara başlanılıb.
Videodakı paytaxt sakini Ağasən Həmidov Daxili İşlər Nazirliyinin Baş Narkotiklərlə Mübarizə İdarəsinin əməkdaşları tərəfindən saxlanılıb.
Baxış zamanı onun üzərindən və evindən 11 qram heroin və pnevmatik tapança aşkar edilib. Faktla bağlı cinayət işi başlanılıb. Həmin şəxs məhkəmənin qərarı ilə həbs olunub.
2 fevral tarixində küçədə narkotik satan şəxslərin görüntüləri yayılmışdır. 2 nəfər narkokuryer Nərimanov rayonunda narkotiki daşın üstünə qoymuşdurlar. Daha sonra bir nəfər həmin narkotik maddəni gizlədilən yerdən götürmüşdür.
