Paytaxtın Nəsimi rayonu, Asif Məhərrəmov 64 və 20 yanvar 4/66 ünvanlarında təmir işləri davam etdirilir. Bu haqda bu gün, 15 iyul tarixində Bakuplus.az Nəsimi rayon İcra Hakimiyyətinə istinadən məlumat verir.
Evlərin həyətlərində qurumuş və təhlukəli vəziyyətdə olan ağaclar budanıb, suötürücü borular və navalçalar dəyişdirilib, hər iki binanın dam örtüyü əsaslı təmir olunub, yağış sularını axıdan boru və navalçalar dəyişdirilib, binanın zirzəmisində yerləşən ümumi kanalizasiya boruları dəyişdirilərək təmir işləri aparılıb.
Həmçinin binaların fasadları bərpa olunur, blokların qapı və pəncərələri yenilənir, həyətdə torpaq işləri, yeni bordürlərin vurulması işləri aparılır.
Həyətdə işıqlandırma sistemi quraşdırılır, söhbətgah, oturacaqlar, uşaqlar üçün oyun və idman meydançaları, minifutbol meydançası yaradılır.
[caption id="attachment_52712" align="alignnone" width="800"] Foto Nəsimi rayon İcra Hakimiyyətinin rəsmi saytı[/caption]
