Nəsimi Rayon İcra Hakimiyyətinin başçısı səyyar qəbul keçirib. Bu haqda 6 iyul tarixində Nəsimi rayon İcra Hakimiyyəti məlumat verib.
Rayonun icra başçısı Asif Əsgərov 4-cü mikrorayon, Mir Cəlal küçəsi 42 ünvanında keçirilən görüşdə sakinlərin müraciətlərini dinləyib. Qəbulda bir sıra məsələlərlə bağlı, o cümlədən həyətin abadlaşdırılması, həyət və girişlərin işıqlandırılması, yaşıllıqların suvarılması və söhbətgahların qurulması, mənzil növbəsi, avtomobillərin park edilməsi, dam örtüyünün və zirzəminin təmir edilməsi barədə müraciətlərə baxılıb.
Müraciətlərdən sonra “Abad həyət” layihələri çərçivəsində Mir Cəlal küçəsi 42 ünvanında aparılacaq abadlıq-quruculuq işləri barədə sakinlərə məlumat verilib, onların təklifləri dinlənilib.
Müraciətlərlə bağlı qəbulda iştirak edən rayon İcra Hakimiyyəti Başçısı Aparatının, Mənzil-Kommunal Təsərrüfatı Birliyinin, kommunal xidmət sahələrinin məsul şəxslərinə müvafiq tapşırıqlar verilib.
[caption id="attachment_51301" align="alignnone" width="800"] Foto Nəsimi rayon İcra Hakimiyyətinin rəsmi saytı[/caption]
