Nəsimi rayonunda sosial yardım aksiyası keçirilib. Bu haqda bu gün, 28 iyun tarixində Bakuplus.az rayon İcra Hakimiyyətinə istinadən xəbər verir.
Rayondakı idarə və təşkilatlar, iş adamları, ayrı-ayrı xeyriyyəçilər tərəfindən qurban kəsilib və rayon ərazisində yaşayan 2000-dən artıq ailəyə qurban payları verilib. Buraya Qarabağ müharibəsi veteranları, əlilləri və şəhid ailələri ictimai birliyinin Nəsimi rayon təşkilatının üzvləri, eləcə də Vətən müharibəsi, 20 Yanvar və Çernobıl əlilləri, sosial qayğıya ehtiyacı olan rayon sakinləri daxildir.
Həmçinin rayon icra başçısı şəhid ailələrini ziyarət edib onlara müxtəlif yardımlar təqdim olunub.
