Bakının ayrı-ayrı rayonlarında dönərxanalarda plandankənar yoxlamalar aparılıb. Bu haqda bu gün, 28 noyabr tarixində Bakuplus.az Azərbaycan Qida Təhlükəsizliyi Agentliyinə (AQTA) istinadən xəbər verir.
Agentliyin əməkdaşları hazırlanmış dönərlərdən nümunələr götürüb və laboratoriyaya təqdim ediblər.
Analizlərin nəticələri əsasında aşağıdakı müəssisələrin fəaliyyəti dayandırılıb və sahibkarları barəsində inzibati tədbir görülüb:
- Bakı şəhəri, Nizami rayonu, Q.Qarayev prospekti, 11/18 ünvanında fəaliyyət göstərən “Dönərzadə”;
- Bakı şəhəri, Suraxanı rayonu, Əmircan qəsəbəsi, M.Mustafayev küçəsi, ev 11 ünvanında fəaliyyət göstərən dönərxana;
- Bakı şəhəri, Nizami rayonu, Q.Qarayev pr., ev 126C, 8-ci km ünvanında fəaliyyət göstərən "Manqal Afiyət Dönər”;
- Bakı şəhəri, Binəqədi rayonu, Azadlıq pr., ev 155 ünvanında fəaliyyət göstərən “Line Lahmacun”;
- Bakı şəhəri, Sabunçu rayonu, Sabunçu qəsəbəsi, Ə.Məmmədəliyev küçəsində fəaliyyət göstərən dönərxana;
- Bakı şəhəri, Xəzər rayonu, Binə qəsəbəsi, İ.Əhmədov küçəsi, ev 8 ünvanında fəaliyyət göstərən dönərxana;
- Bakı şəhəri, Nərimanov rayonu, Təbriz küçəsi, ev 264A ünvanında fəaliyyət göstərən "Hicaz Dönər”;
- Bakı şəhəri, Xəzər rayonu, Mərdəkan qəsəbəsi, B.Əliyev küçəsi, ev 134 ünvanında fəaliyyət göstərən "Manqal Dönər".
Yoxlama zamanı adıçəkilən obyektlərdə vətəndaşların sağlığına ziyan vuran müxtəlif bakteriyalar aşkarlanıb.
AQTA tərəfindən yoxlamalar davam etdirilir.
