Bakıda yük hissəsi açıq “Niva”nı, yüksək səslə musiqi dinləyərək idarə edən gənc cərimələnib. Bu haqda BakuPlus.az Avtosfer.az-a istinadən bu gün, 5 aprel tarixində xəbər verir.
Paytaxtın Nərimanov rayonu, Gülarə Qədirbəyova küçəsində 99-MZ-098 qeydiyyat nişanlı "Niva" markalı avtomobilin sürücüsü martın 30-da, maşından bayıra çıxaraq oynamağa başlayıb və sonra, dinlədiyi musiqini ətrafdakı insanlara nümayiş etdirmək üçün avtomobilin yük yerini açıb.
Bu yolla hər kəsi təəccübləndirmək istəyən gənc Dövlət Yol Polisi tərəfindən cərimələnib.
Polis polkovniki Vaqif Əsədov bildirir ki, sürücü Ruslan Məmmədov törətdiyi xətaya uyğun olaraq İnzibati Xətalar Məcəlləsinin 342.5-ci maddəsi ilə məsuliyyətə cəlb edilib.
