Bakı Ağır Cinayətlər Məhkəməsində insan alverində təqsirləndirilən Aydan Ağayevanın (ad-soyad şərtidir) cinayət işi üzrə məhkəmə prosesi başa çatıb. Bu haqda bu gün, 25 noyabr tarixində Bakuplus.az Report-a istinadən məlumat verir.
Hakim Telman Hüseynovun hökmünə əsasən, qadın 8 il 6 ay müddətinə azadlıqdan məhrum edilib.
46 yaşlı Ağayeva ötən ilin yanvar ayında Daxili İşlər Nazirliyinin İnsan Alverinə qarşı Baş İdarəsinin əməkdaşları tərəfindən saxlanılıb. O, 2019-cu ildə iki qadını işə düzəltmək adı ilə Türkiyəyə apararaq və əllərindən pasportlarını alaraq onları müxtəlif vaxtlarda cinsi istismara məruz qoyub. Ona qarşı “İnsan alveri” maddəsi ilə ittiham irəli sürülüb.
