Qaradağ və Yasamal rayonlarında sanitariya-gigiyena qaydalarını pozanlar cərimələnib. Bu haqda 4 noyabr tarixində News24.az xəbər verib.
DİN-in Baş İctimai Təhlükəsizlik İdarəsi və Ekologiya və Təbii Sərvətlər Nazirliyinin keçirdiyi tədbirlər zamanı Qaradağ rayonunun Lökbatan qəsəbəsi və Yasamal rayonunun Qanlıgöl ərazilərində sanitariya-gigiyena qaydalarının pozulması halları aşkar edilib. Məlum olub ki, bu ərazilərdə yük avtomobili ilə məişət və digər qarışıq tullantıların boşaldılaraq qalaqlanma keçirilir.
Bu əməlləri törədən R.Babayevə və H.Xudaverdiyevə İnzibati Xətalar Məcəlləsinin sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi maddəsi ilə protokol tərtib edilib.
