Bu gün, fevralın 16-da Səbail rayonunun Qurban Abbasov və Ziya Yusifzadə küçələrinin kəsişməsindəki Səbail parkı əsaslı yenidənqurma və abadlıq işlərindən sonra istifadəyə verilib. Bu haqda Bakuplus.az Səbail Rayon İcra Hakimiyyətinin mətbuat xidmətinə istinadən məlumat verir.
Parkın sahəsi 2 dəfə artırılaraq 4 kv.km-dən 8 kv.km-ə çatdırılıb. Burada 580 gül, ağac və kol əkilib, işıqlandırma sistemi yaradılıb, 90-yerlik oturacaqlar quraşdırılıb. Parkda hərəkət üçün rezin və daş örtüyündən istifadə olunub, “I love Sabail” (“Səbaili sevirəm”) lövhəsi quraşdırılıb.
Parkdan Milli Dənizkənarı Bulvara aparan pilləkən də tamamilə yenidən qurularaq müasir üslubda bəzədilib. Parkda fiziki məhdudiyyətli insanların sərbəst hərəkəti üçün şərait yaradılıb. Eyni zamanda, bütün yaş qruplarından olan vətəndaşlar nəzərə alınaraq, burada onlar üçün xüsusi guşələr yaradılıb, idman meydançasında uşaq meydançası, müxtəlif idman avadanlıqları quraşdırılıb.
[URIS id=33750]
