Sürücü avtobusu idarə edərkən telefonda kinoya baxıb. Bu haqda BakuPlus.az Xəzər Xəbərə istinadən bu gün, 18 oktyabr tarixində xəbər verir.
Oktyabrın 15-i paytaxtda 71 saylı marşrut xətti üzrə hərəkətdə olan avtobusda sərnişinlər sürücünün yolboyu telefonda film izlədiyini iddia ediblər.
Məsələ ilə bağlı sözügedən xəttin avtodəstə rəisi Natiq Rüstəmov bildirib ki, bu gün həmin sürücü şirkətə dəvət edilib və onun barəsində müvafiq tədbirlər görülüb.
Bakı Nəqliyyat Agentliyindən isə bildirilib ki, sözügedən xəttin müvəqqəti istismarçısı agentliyə dəvət olunub və onlara sərt xəbərdarlıq edilib.
