Sumqayıt-Pirşağı-Bakı ekspres qatarında ləngimə olub. Bu haqda bu gün, 26 yanvar tarixində Bakuplus.az Azərbaycan Dəmir Yollarına istinadən xəbər verir.
Bu gün saat 07:45-də yola çıxmalı olan ekspres sərnişin qatarı texniki səbəbə görə qrafikdən qismən kənara çıxıb və saat 8:20-də hərəkətə başlayıb. Sərnişinlər qrafikdə olan digər qatarlara yönləndiriliblər.
Ekspres qatar istisna olmaqla digər sərnişin qatarları qrafik üzrə hərəkətlərini davam etdirirlər.
