Azərbaycanda tikinti şirkətlərinin rəhbərləri həbs edilib. Bu haqda 12 aprel tarixində Report məlumat verib.
“Sahil-S İnşaat” MTK-nın sədri vəzifəsində işləmiş Taley Alaverdiyev və “GG Company” MMC-nin direktoru Pənah Kərimov qabaqcadan əlbir olaraq dələduzluq yolu ilə pul mənimsəyiblər. Onlar Suraxanı rayonu, Yeni Günəşli qəsəbəsi, “A-B” massivində yerləşən mənzillərin qanuni sahibləri olduğu halda saxta müqavilə və maliyyə arayışları tərtib edərək evləri təkrar satıblar. Bununla da mənzil almaq istəyənlərin pulu ələ keçirilib.
Taley Alaverdiyev və Pənah Kərimova Cinayət Məcəlləsinin “Dələduzluq külli miqdarda ziyan vurmaqla törədildikdə”, “Vəzifə səlahiyyətlərindən sui-istifadə ağır nəticələrə səbəb olduqda” və “Vəzifə saxtakarlığı” maddələri ilə ittiham irəli sürülüb və məhkəmənin qərarı ilə onlara qarşı həbs qətimkan tədbiri seçilib.
