Bakının Xəzər rayonu, Türkan qəsəbəsində üç gündür ki, işıq dirəklərində işıqlar günorta saatlarında yanır. Bu haqda bu gün, 11 iyul tarixində Bizim.Media məlumat verib.
Magistral yolun hər iki tərəfində yerləşən işıq dirəklərinin hər birində 400 vatt gücündə 2 lampa quraşdırılıb ki, bu da son nəticədə külli miqdarda elektrik enerjisinin itkisinə səbəb olur.
Əlavə enerji itkiləri ilə yanaşı, bu hal ekoloji baxımdan da zərərlidir. Ekoloqlar küçə işıqlarını lazımsız yerə yandırmağı məsləhət görmürlər, çünki bu işıqlar ətraf mühitə çoxlu istilik yayır. İsti havada isə bu problem olduqca aktualdır.
Sosial şəbəkələrdə yayılan fotolar istifadəçilər arasında müzakirələrə səbəb olub. Bakı sakinləri qeyd ediblər ki, Türkanda lampalar gecə-gündüz yansa da, paytaxtın bəzi küçələri hələ də tam işıqlandırılmayıb.
