Bakı Limanı vasitəsilə minik avtomobillərinin transferi çoxalıb. Bu haqda bu gün, 19 oktyabr tarixində Bakuplus.az Bakı Limanına istinadən xəbər verir.
Statistikaya əsasən, cari ilin ilk 9 ayı ərazində liman vasitəsilə 9316 ədəd təkərli texnika (TIR və qoşqu xaric) daşınıb. Bu, ötən ilin eyni dövrü ilə müqayisədə 3 dəfə artıqdır. Texnikaların əksəriyyətini minik avtomobilləri təşkil edir. Onlar Gürcüstan, BƏƏ, Yaponiya, Birləşmiş Krallıq, Belçika, Almaniya və digər ölkələrdən Qazaxıstan,Türkmənistan və bir sıra Mərkəzi Asiya ölkələrinə göndərilir.
Bakı Limanı “Toyota”, “Lexus”, “BMW” kimi yeni avtomobilləri Mərkəzi Asiyaya göndərməkdə vasitəçi olur. Bununla bağlı liman xarici logistika şirkətləri ilə razılığa gəlib. Adıçəkilən brendlərin avtomobilləri TIR və vaqonların daxilində, eləcə də tək-tək gəmilərə yüklənir və təyinat ölkəsinə göndərilir.
[caption id="attachment_75405" align="alignnone" width="640"]
Foto Bakı Limanının rəsmi Facebook səhifəsi[/caption]
