Ümumdünya Təmizlik Günü münasibətilə Bakıda təmizlik kampaniyası baş tutacaq. Bu haqda 22 sentyabr tarixində Bakuplus.az Azərbaycan Gənclər Fonduna istinadən xəbər verir.
Çimərlikdə keçiriləcək təmizlik aksiyası 24 sentyabr saat 11:00-da Şüvəlan qəsəbəsində baş tutacaq. İştirakçılar lazımi ləvazimatlar, eləcə də qida və içki ilə təmin olunacaqlar.
Kampaniya İDEA, Ekologiya və Təbii Sərvətlər Nazirliyi, Azərbaycan Gənclər Fondu və “Təmiz Şəhər” ASC-nin birgə təşkilatçılığı ilə həyata keçirilir.
Tədbirdə iştirak etmək üçün əvvəlcədən qeydiyyatdan keçmək lazımdır. Qeydiyyatdan keçən şəxslərə tədbirdən iki gün əvvəl əlaqə saxlanılaraq toplanma vaxtı və yeri barədə məlumat veriləcək.
Ətraflı məlumat üçün əlaqə nömrəsi: 012 497 63 16
