Vaqif Xaçatryan bu gün hakim qarşısına çıxacaq. Bu haqda bu gün, 6 noyabr tarixində Bakuplus.az Report-a istinadən xəbər verir.
İclas Yasamal Rayon Məhkəməsinin inzibati binasında Bakı Hərbi Məhkəməsinin hakimi Zeynal Ağayevin sədrliyi altında keçiriləcək.
Vaqif Xaçatryan erməni silahlı birləşmələrinin tərkibində Xocalı rayonunun Meşəli kəndində soyqırımı törətməkdə təqsirləndirilir. Onun iştirak etdiyi cinayətlər nəticəsində ümumilikdə 27 nəfər qəsdən öldürülüb, 21 nəfər müxtəlif dərəcəli bədən xəsarətləri alıb, 2 nəfər kənd sakini girov götürülüb, 81 ailə təsərrüfatından ibarət 340 nəfər daimi yaşayış yerlərindən Azərbaycan Respublikasının digər ərazilərinə didərgin salınıb, kənd sakinlərinə 13 milyon 568 min 60 AZN, dövlətə isə 130.800 AZN məbləğində maddi ziyan vurulub.
