Paytaxtın Xətai rayonu, M.Hadi küçəsi, 21 ünvanında süd məhsullarının istehsalı müəssisəsində qanun pozuntuları aşkarlanıb. Bu haqda bu gün, 25 iyul tarixində Bakuplus.az Qida Təhlükəsizliyi Agentliyinə istinadən xəbər verir.
Monitorinq zamanı “Master Milk” MMC-yə məxsus sexdə işçilərin tibbi müayinədən keçmədiyi, sanitar-gigiyenik qaydalarına, temperatur normalarına riayət olunmadığı, eləcə də qatıq, kəsmik və xama məhsullarının etiketlənməsində uyğunsuzluqlar aşkar edilib.
Müəssisənin fəaliyyəti dayandırılıb, rəhbərlik məsuliyyətə cəlb olunub.
