Paytaxtın Xətai rayonu, Nəsrəddin Tusi küçəsində ağaclıq ərazinin qəsdən məhv edildiyi iddia olunur. Bu haqda bu gün, 17 sentyabr tarixində Bakuplus.az ATV-yə istinadən xəbər verir.
Sakinlərin sözlərinə görə, yaxınlıqda yerləşən restoranın rəhbərliyi ərazidəki ağacları qəsdən yandıraraq tələf edir ki, iaşə obyekti üçün parklanma yeri yaratsın. Həmçinin baxımsız olduğundan ərazi narkomanların yuvasına çevrilib.
Restoranın əməkdaşı ağacların kəsiminin yaşıllaşdırma idarəsi tərəfindən aparıldığını bildirib. Xətai rayon İcra Hakimiyyəti isə məsələ ilə bağlı qeyd edib ki, ərazi özəl sahədir, ancaq oradakı bəzi ağaclar dövlətə aiddir, onların digər parklara köçürülməsi planlaşdırılır.
“Bundan əlavə, vətəndaşları narahat edən mövzu araşdırılacaq və müvafiq addımlar atılacaq”, - deyə qurum əlavə edib.
