Bakıda IDEA İctimai Birliyinin “Bizim həyət” layihəsi çərçivəsində daha bir abadlaşdırılan həyət sakinlərin istifadəsinə verilib. Bu haqda bu gün, 6 aprel tarixində Xətai Rayon İcra Hakimiyyətinin mətbuat xidmətinə istinadən Bakuplus.az məlumat verir.
Həyət Xətai rayonu, Nəsrəddin Tusi küçəsi, 6 və 6a nömrəli ünvanlarda 400 sakinin yaşadığı çoxmərtəbəli binaları əhatə edir.
Açılışda Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva da iştirak edib.
Həyətdə yeni işıqlandırma dirəkləri, müşahidə kameraları quraşdırılıb, binaların fasad və blokları tam təmir olunub, asfalt və dam örtüyü yenilənib, elektrik sistemi yenidən qurulub.
Həmçinin ərazidə mövcud yaşıllıqların bərpası ilə yanaşı, 300 ağac əkilib, yaşıllıq zolağı salınıb. Həyətin ətraflarında adi daşsarmaşığı və digər sarmaşan bitkilər əkməklə hava çirklənməsinə qarşı “yaşıl sədlər” (green barriers) yaradılıb.
[URIS id=96350]
