Bakıda piyadalar səkilərin olmaması və ya zəbt edilməsi səbəbindən yolun nəqliyyat üçün nəzərdə tutulmuş hissələrində hərəkət etməli olurlar. Bu haqda 17 oktyabr tarixində Bakuplus.az ATV-ya istinadən xəbər verir.
Xətai rayonu, Afiyəddin Cəlilov küçəsi ilə Ayaz İsmayılov küçəsinin kəsişməsindəki piyada səkisi tikinti işləri aparan şirkət tərəfindən zəbt olunub. Səkinin əksər hissəsi hasarlanıb, qalan hissədə isə işıq dirəkləri və yol nişanları piyadaların hərəkətinə mane olur. Səkidə yerin olmaması səbəbindən piyadalar avtomobil yolu ilə getməli olurlar. Səkinin zəbt olunması ən azından uşaqla olanların, sağlamlıq imkanları məhdud şəxslərin hərəkətini çətinləşdirir, bəzən isə mümkünsüz edir.
Məsələ ilə bağlı Xətai RİH-nin İctimai-siyasi və humanitar məsələlər şöbəsinin müdiri Pənah İmanov bildirdi ki, artıq həmin əraziyə baxış keçirilib:
“Səkilər nisbətən balacadır, xüsusən də orada əlil arabasının keçməsi mümkün deyil. Tikinti sahibi ilə əməkdaşlarımız söhbət edəcək ki, orada normal şərait yaradılsın. Düşünürəm ki, yaxın zamanda məsələ həllini tapacaq”.
[caption id="attachment_75031" align="alignnone" width="640"]
Foto AzTv-nin rəsmi Youtube kanalı[/caption]
