Bakının Xəzər rayonunda həyat yoldaşını öldürməkdə təqsirləndirilən Saməddin Həsənovun məhkəmə prosesi yekunlaşıb. Bu haqda bu gün, 23 fevral tarixində Bakuplus.az Qafqazinfo-ya istinadən məlumat verir.
Cinayət işinə Bakı Ağır Cinayətlər Məhkəməsinin hakimi Rahib Salmanov tərəfindən baxılıb. 36 yaşlı Saməddin Həsənov 10 il müddətinə azadlıqdan məhrum edilib.
Hadisə ötən ilin mart ayında baş verib. Saməddin Həsənov qısqanclıq üstündə həyat yoldaşı, 27 yaşlı Ülviyyə Həsənovanı bıçaqla qətlə yetirib.
Cütlük arasında yaranan mübahisədən sonra Ülviyyə polisə gedərək ərindən şikayət edib. O, ərinin onu döydüyünü deyib və sığınacağa yerləşdirilməsini istəyib. Saməddin Ülviyyəni tapdıqda yoldaşından şikayətini geri götürməsini və ondan boşanmasını istəyib. Bundan sonra ailəsi eyni xahişlə Ülviyyəyə müraciət etsə də, o, ailəsindən imtina etdiyini deyərək heç kimlə razılaşmayıb.
Bir neçə saatdan sonra Saməddin yenidən sığınacağa yaxınlaşaraq hasardan tullanıb içəri girdi. Arvadını mətbəxdən çıxarıb yenidən danışmağa çalışdı. Bu zaman Saməddin mətbəxdən bıçaq götürərək qadını öldürüb.
Saməddin həyat yoldaşını bıçaqladıqdan sonra cinayət barədə polisə məlumat verib. Prosesdə Ülviyyə Həsənovanın atası da ifadə verib. O, kürəkənindən şikayət etməyib.
“Saməddinin etdiyi hərəkətə bəraət qazandırmıram. Ancaq onun da hansı səbəbdən belə hərəkət etdiyini başa düşürəm və üç azyaşlı uşaqlarına görə Saməddinə qarşı heç bir şikayət və ya tələbim yoxdur”, - mərhumun atası deyib.
