Bakının Xəzər rayonunda magistral yolların birində yerüstü piyada keçidinin inşasına başlanılıb. Bu haqda bu gün, 28 iyun tarixində Bakuplus.az məlumat verir.
Mərdəkan yolu ilə Qala-Pirallahı avtomobil yolunun kəsişməsində tikilən keçidin ümumi uzunluğu 91.5 metr, daxili eni 4.5 metr olacaq.
Keçiddə fiziki məhdudiyyətli insanlar üçün hər birinin uzunluğu 42 metr təşkil edəcək maillikli piyada pandusları quraşdırılacaq.
İşlər Azərbaycan Avtomobil Yolları Dövlət Agentliyi tərəfindən aparılır. İşlərin bu ilin sonunadək başa çatdırılması planlaşdırılır.
[URIS id=50192]
