Suraxanı rayonunun Yeni Günəşli qəsəbəsində içməli su xəttində baş verən qəza operativ şəkildə aradan qaldırılıb.
Bakuplus.az xəbər verir ki, bu barədə Azərbaycan Dövlət Su Ehtiyatları Agentliyinə məxsus "İri Şəhərlərin Su Təchizatı" QSC məlumat yayıb.
Bildirilib ki, D yaşayış massivi 29-cu binanın yaxınlığında diametri 110 mm olan içməli su xəttində qəza baş verməsi barədə avqustun 19-u saat 08:45-də rayon sukanal idarəsinə məlumat daxil olub.
Suraxanı rayon Sukanal İdarəsinin qəza-bərpa briqadası operativ olaraq saat 08:55-də həmin ünvanda işə başlayıb. Görülən təcili tədbirlər nəticəsində saat 09:10-da axıntının qarşısı alınıb, saat 11:45-də isə su xəttindəki qəza tam aradan qaldırılıb.
