Yeni ilin atributlarından olan küknar ağacları artıq paytaxt bazarlarında satışa çıxarılıb. “Yolkalar” minimum 15, maksimum 2500 manata təklif olunur. Onların böyüklüyünə və keyfiyyətinə görə qiymət dəyişir. Bu haqda bu gün, 2 dekabr tarixində Bakuplus.az ATV Xəbər-ə istinadən məlumat verir.
Küknar ağacları Çindən gətirilir. Satıcılar deyirlər ki, baha olmasına baxmayaraq, alıcı qıtlığı yaşanmır.
“Daşınma qiymətləri aşağı olduğu üçün hal-hazırda qıymətlərdə endirim var. Ölçüyə görə qiymətlər dəyişir. Ən bahalı - altımetrlik olan ağaclar 2000 manata satılır”, - satıcılar deyirlər.
Müştərilərin bəziləri isə əksinə, qiymətlərdən razı qalmayıblar:
“Həddindən artıq bahadır. Xoşumuza gələn yolka 500 manatdan aşağı qiymətə yoxdur”, - bazarı ziyarət edən Sevinc İslamova deyib.
Küknar ağacı ilə yanaşı, yeni il aksessuarları da satışa çıxarılıb. Şaxta baba və Qar qızın maketi də alıcıların dıqqətini cəlb edir. Satışda qiyməti 500-1000 manata olan şaxta baba və qar qızı maketlərinə də rast gəlmək mümkündür.
