"Binanın tikintisi başlayandan təhvil verilməsinə qədər Fövqəladə Hallar Nazirliyinin müvafiq qurumları bu prosesi izləyir. Təhvil verilənə qədər bütün yoxlamalar aparılır və yalnız standartlara uyğunluq təsdiqləndikdən sonra sakinlərə təhvil verilir".
Bunu demokrat.az-a açıqlamasında təhlükəsizlik eksperti Samir Nəbiyev deyib.
O, bildirib ki, Fövqəladə Halların qurumları əsasən binanın aparıcı strukturlarını, o cümlədən beton marqalanmasını, armaturun ölçülərini və digər standart tələblərin yerinə yetirilməsini nəzərdən keçirir:
"Təhvil prosesi zamanı bu göstəricilər əsas kriteriya hesab olunur. Lakin bəzi hallarda, yoxlamalar zamanı müəyyən sahələr nəzərdən qaça bilər. Bu zaman məsuliyyət birbaşa sakinlərin üzərinə düşmür. Əgər sakinlər tikintidə hər hansı problemlər aşkar edirlərsə, onlar təhvil prosesində bunu bildirə bilərlər. Bu məsələlərdə əsas məsul şəxs isə tikintini həyata keçirən şirkət və onun rəhbəridir".
