Bakının Xəzər rayonu, Buzovna-Zuğulba şosesində yeni yerüstü piyada keçidinin inşasına başlanılıb. Bu haqda bu gün, 4 dekabr tarixində Bakuplus.az məlumat verir.
Tikinti işləri bu günlərdə başlayıb. Sakinlər deyirlər ki, burada piyada keçidinə ərazinin digər hissələrindən daha çox ehtiyac var. “Buzovna” yarımstansiyası kimi tanınan ərazidə bir neçə iri supermarket, 2 saylı polis şöbəsi, 26 və 5 saylı orta məktəblər, tibb müəssisələri və avtobus dayanacaqları mövcuddur.
Burada piyada keçidi olmadığından yolda tez-tez piyadaların iştirakı ilə qəzalar baş verir.
Daha öncə həmin şosedə yerüstü və yeraltı keçidlər inşa olunub.
[caption id="attachment_122075" align="alignnone" width="640"]
Foto Bakuplus.az[/caption]
