Xəzər, Suraxanı və Sabunçu rayonlarında 20 evdən oğurluq edən dəstə üzvləri saxlanılıblar. Bu haqda BakuPlus.az DİN-in mətbuat xidmətinə istinadən bu gün, 14 oktyabr tarixində xəbər verir.
Oğurluq edən şəxslər təhlükəsizlik kameraları vasitəsilə anbaan görüntülənib.
Xəzər rayonunda ayrı-ayrı vaxtlarda evlərdən 9 evdən pul, qızıl-zinət və məişət əşyaları oğurlayan, əvvəllər məhkum olunmuş Ümüd Kərimov və Nihat Qafari tutulublar.
Saxlanılan şəxslər əldə etdikləri qızl-zinət və məişət əşyalarını paytaxt ərazisindəki ticarət mərkəzlərindən birində satıblar.
Binə qəsəbəsində 7 evdən və 1 mağazadan oğurluq edən digər dəstənin üzvləri - əvvəllər məhkum olunmuş Sərhad Əmirov, Sübhan Ağayev və Ramin Qarayev də tutulublar.
Onların Binə qəsəbəsində yerləşən mağazadan 1600 manat oğurladıqları müəyyən edilib.
Araşdırma zamanı bu şəxslərin həmçinin paytaxtın Suraxanı və Sabunçu rayonlarında da daha 3 oğurluq əməli sübuta yetirilib.
Faktlarla bağlı 3-cü Polis Şöbəsində toplanan materiallar Xəzər RPİ-nin İstintaq Şöbəsinə göndərilib.
[caption id="attachment_74646" align="alignnone" width="640"]
Foto DİN[/caption]
