Yusif Səfərov küçəsindən Zığ dairəsi istiqamətində təmir işlərinə mayın 23-dən start verilib və mərhələli şəkildə işlər davam etdirilir. Xəqani Rüstəmov küçəsi ilə kəsişən hissədən 8 Noyabr prospektinə giriş bağlıdır və alternativ yol kimi Babək prospektindən istifadə olunur.
Sentyabrın 15-də yeni tədris ili başlayır, eyni zamanda paytaxtda 13-15 sentyabr tarixlərində “Formula-1” yarışları və noyabrda COP29 tədbiri keçiriləcək.
Yolun nə zaman tamamlanacağı maraq doğurur. Məsələ ilə bağlı Bizim.Media-ya açıqlamasında Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli yolun oktyabra qədər hazır olacağını deyib:
“Əsas işlərin dərs ilinin başlamasına qədər yekunlaşdırılması planlaşdırılır. Müəyyən hissələrdə təmir davam edəcək, amma tam olaraq yolun təmiri oktyabr ayınadək yekunlaşmalıdır”.
Təmir layihəsi çərçivəsində prospekt boyunca 8 zolaqlı hərəkət hissəsi, 10 km-yə yaxın velosiped zolağı, bufer zonası və səkilərin tikilməsi planlaşdırılır.
