Bu gün müstəqillik illərimizin ən sevilən filmlərindən biri haqqında bəhs edəcəyik. Ən maraqlısı da bu kino bir şəxsin yuxusu əsasında çəkilib.
Filmin çəkilməsinin ən başlıca səbəbkarı aktyor Şamil Süleymanovdur. Aktyor yuxusunda sevdiyi qızı qaçırdığını görür və bunu nənəsinə danışır. Nənəsinin onu yüngülcə döyməsindən sonra, Şamil Süleymanov bu hadisəni rejissora danışır və yuxu filmə çevrilir.
“Yuxu” filmi məhz belə ərsəyə gəlib.
Çəkilişləri 1993-cü illərdə start götürən film 2001-ci ildə təhvil verilir. Buna ekran əsərinə pul ayıran şəxsin müflis olması səbəb olur.
Aktyor heyəti olduqca zəngin olan filmin baş rollarında Nəsibə Zeynalova, Səyavuş Aslan, Zərnigar Ağakişiyeva, İlham Qasımov, Yaşar Nuri, Ayan Mirqasımova, Bəhram Bağırzadə, Qorxmaz Əlili və başqaları çəkiliblər.
Film bir-birini sevən iki gəncin məhəbbətindən bəhs edir. Əliabbas sevgilisinə qovuşmaq üçün nə dedi-qodulardan qorxur, nə də hədələrdən. O öz xoşbəxtliyi uğrunda mübarizə aparır... Və istədiyinə nail olur.
Filmin ekspromt çəkilən səhnələrindən biri isə Nəsibə Zeynalovanın nəvəsini qurtarmaq üçün polis bölməsinə gəlməsi olur.
Buzovna kəndində lentə alınan filmdə əslində, Yaşar Nuri Nəsibə Zeynalovanın qarşısını kəsməli idi. Lakin aktrisa deyir ki, Buzovnada heç kəs ağbirçək qadının qarşısını kəsə bilməz. Rejissor onunla razı olmasa da, Nəsibə Zeynalova öz bildiyini edir.
Ssenari müəllifləri Qasım Səfəroğlu və Fikrət Əliyev olan sənət əsəri dünya filmlərinin yer aldığı nüfuzlu reytinq platformasında (İMDb) 10 üzərindən 8.4-lə qiymətləndirilib.
Xoş seyrlər…
[URIS id=74930]
