Hər il martın əvvəlində kişilər sevimli qadınlarına nə hədiyyə edəcəklərini düşünürlər. Hər kəs bəşəriyyətin gözəl yarısına xoş təəccüb bəxş etmək istəyir, lakin çox vaxt qadının nədən zövq aldığından və nəyə üstünlük verdiyindən xəbərsiz qalan kişilər xanımların ürəyini nə ilə fəth edə biləcəklərini belə dərk etmirlər.
Bakuplus.az komandası təkcə gözəlliyi və milli üslubu ilə seçilən ən orijinal Azərbaycan zərgərlik brendlərini toplayıb. Belə bir hədiyyə təkcə gözəl deyil, həm də yerli rəssamları və zərgərləri dəstəkləyir və ənənəvi zərgərlik sənətini qoruyub saxlamağa kömək edir.
Aşağıda seçilmiş brendlərin siyahısını təqdim edirik:
NAR CRAFTS
mis, gümüş, polimer gil və muncuqlardan zərgərlik və aksesuarlar istehsal edən yerli emalatxanadır. Rəssamlar həm Azərbaycan milli üslubundan, həm də İndoneziya, Hindistan, Skandinaviya ölkələri və ərəb ölkələri kimi digər ölkələrin etnik motivlərindən ilham alırlar.
Qiymətlər metaldan, sifarişin özəlliyindən asılı olaraq 10-150 manat arasında dəyişir. Məhsulları Instagram səhifəsindən sifariş etmək mümkündür.
MİNALI
milli naxışlardan istifadə edilməklə hazırlanan əl işlərini təqdim edir. Ustalar gümüş və qızılla işləyirlər. Bu brendin fərqi ondan ibarətdir ki, müştərinin istəyi ilə məhsulu müxtəlif rəng və digər qiymətli daşlardan istifadə etməklə hazırlamaq olar. Bu vəziyyətdə, hazır məhsul üçün 10 gün gözləmək lazımdır. Lakin siz gözləmədən butikdə zəngin kolleksiyadan əşyalar da ala bilərsiniz.
Məhsulların qiymətləri 40 manatdan başlayır və seçilmiş metaldan, daşdan və ölçüdən asılıdır.
BUTALI
- 2016-cı ildə əsası qoyulmuş Azərbaycan Milli Brendi bu gün Azərbaycan zərgərlik sənətinin ən yaxşı ənənələrinin dirçəldilməsi və qorunub saxlanmasının gözəl nümunəsinə çevrilib. Müxtəlif texniki üsullarla hazırlanmış zərgərlik məmulatlarının tərtibatında Azərbaycanın qədim memarlıq abidələrində, xalça naxışlarının kompozisiya strukturunda, məşhur baş yaylıqlarının - kəlağayıların rəsmlərində rast gəlinən milli ornamentlər və rəmzlər əsas rol oynayır. Ustalar poladdan, gümüşdən və qızıl suyuna salınmış əl işləri yaradırlar.
SHAMSA Zərgərlik Məkanı
cəmi bir il əvvəl Azərbaycanda bazara çıxan gənc brenddir. Usta zərgərlər tarixi materiallardan və ədəbi əsərlərdən istifadə edərək zinət əşyaları yaradırlar. Onlar əsrlər boyu qadın zinət əşyalarında istifadə olunan elementləri yenidən yaradırlar. Zərgərlik məmulatları gümüşdən hazırlanır və bəzi nümunələr qızılla örtülür.
ART OF KUBACHI
Əminə Məzgərova tərəfindən təsis edilmiş ailə biznesidir. Zərgərlik məmulatları dəmirçi və zərgərləri ilə tanınan qədim Dağıstanın Kubaçi kəndinin adət-ənənələri əsasında hazırlanır. Əminə xanımın özünün dediyinə görə, gümüş üzüklərin ilk naxışlarını o, Memarlıq Universitetində birinci kursda oxuyarkən çəkib və atası onları düzəldib. Brendin missiyası Kubaçi kəndinin qədim mədəniyyətini qorumaqdır.
Məhsulların qiymətləri alıcının istəyindən asılı olaraq 25 manatdan başlayır.
RESM
zinət əşyaları qədim Azərbaycanın naxış və bəzəklərinin müasir interpretasiyasını təqdim edir. Bütün Resm məmulatları dizaynın tarixi mahiyyətini, naxışların mənşəyini və ənənəvi bəzəkləri izah edən fərdi təsvirlərlə təmin olunur. Bu nadir eksklüziv incəsənət əsərləri gözəllik və irsə təbii meyilliliyi, bağlılığı olan hər bir kəs üçün ideal hədiyyədir. Əşyaların ümumi estetik görünüşünü, habelə dəyərliliyini artırmaq məqsədi ilə zinət əşyalarında 14K/18K qızıldan, eləcə də qiymətli daşlardan istifadə edilir.
RESM brendi zinət əşyaları ilə yanaşı, ipək şal, şərf kimi müxtəlif aksesuarlar da təklif edir. Şərflərin qiyməti 70 manatdan, zinət əşyalarının qiyməti isə 190 manatdan başlayır.
