Bakı metrosu qatarların hərəkət qrafikini dəyişəcək. Bu haqda 13 sentyabr tarixində "Bakı Metropoliteni" QSC məlumat verib.
Dəyişikliklər yeni tədris mövsümünün başlaması ilə əlaqədardır. Qatarlar arasındakı interval sərnişin sıxlığına görə müəyyən olunacaq.
Belə ki, səhər və axşam pik saatlarda interval 2 dəqiqə, günün digər saatlarında isə əsasən 2,5 dəqiqə olacaq. Gecə saatlarında isə interval 3 dəqiqəyə qədər artırılacaq.
