"Dərnəgül" - "Həzi Aslanov" metro stansiyaları istiqamətində vaqonun qapısında yaranmış nasazlıq səbəbindən dörd dəqiqəlik yubanma yaranıb.
Bunu Bakuplus.az-a "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov bildirib.
"Dərnəgül" - "Həzi Aslanov" istiqamətində hərəkət edən qatar "Elmlər Akademiyası" stansiyasında ikən sonuncu vaqonun qapısında nasazlıq ehtimalı olub və bu səbəbdən maşinist qapıya baxış keçirib. Lakin Bakı Metropoliteninin normativ tələblərinə uyğun olaraq əlavə baxış keçirilməsinə ehtiyac olduğu üçün sərnişinlər düşürülüb, qatar elektrik deposuna yola salınıb. Əvəzində ehtiyat qatarı verilib, bunun nəticəsində xətdə iki qatar arasında intervaldan əlavə olaraq dörd dəqiqə yubanma yaranıb", - o qeyd edib.
08:49
Bu gün səhər 07.30 radələrində Bakı metrosunda növbəti problem yaşanıb.
Bakuplus.az xəbər verir ki, metronun "Elmlər Akademiyası" stansiyasında vaqonların birində nasazlıq yaranıb. Şahidlərin sözlərinə görə, öncə qatar 15 dəqiqə dayanıb, daha sonra sərnişinlərdən perrona enmələri xahiş edilib, qatar isə yoluna sərnişinsiz davam edib.
Nəticədə “Elmlər Akademiyası” stansiyasında yaşanan izdiham növbəti qatarların da yubanmasına səbəb olub.
[video width="250" height="600" mp4="https://bakuplus.az/storage/photos/2024/09/video_2024-09-23_09-21-42-1.mp4"][/video]
