1803-1804-cü illərdə, Gəncənin işğalından sonra knyaz Pavel Sisianov Bakını ələ keçirmək üçün hərbi hərəkata başlayır. Onun çoxsaylı məktublarına baxmayaraq, bakılı Hüseynqulu xan Rusiyaya tabe olmaqdan imtina edir. Qəzəblənmiş Sisianov 1805-ci ildə general-mayor Zavalişinin rəhbərlik etdiyi rus donanmasına Bakını mühasirəyə almağı əmr edir. Lakin Quba və Dərbənd xanlarının köməyi ilə Bakı xanı rusları məğlub edir.
Bu uğursuzluqdan sonra Sisianov rus qoşunlarının Bakıya yürüşünə şəxsən rəhbərlik edəcəyini bildirir və xana elan edir: “Gəncəni aldığım kimi, Bakını da almağa gəlirəm, ya da onun divarları altında ölməyə”.
Pavel Sisianov 30 yanvar 1806-cı ildə Bakıya yaxınlaşır. O, Hüseynqulu xana 4 maddədən ibarət təslim olmaq təklifini göndərir:
8 fevral 1806-cı ildə general Pavel Sisianov 200 zabiti ilə şəhər qalasına yaxınlaşır. Hüseynqulu xanın elçisi əlində tutduğu duz-çörəklə və şəhərin açarları ilə Sisianovu qarşılayır. Elçilər Hüseynqulu xanın qala qapısının yanında açarları Sisianova şəxsən təqdim etmək istədiyini bildirirlər. General buna razılaşır.
Sisianov knyaz Eristov və bir mühafizəçinin müşayiəti ilə qala qapısına yaxınlaşır. Hüseynqulu xan öz məiyyəti: İbrahim bəy, Kazım bəy, Kərim bəy və başqaları ilə birlikdə onları qarşılayır. Hüseynqulu xan Sisianova açarları uzadan zaman xanın qohumu yaxın məsafədən iki atəş açaraq generalı və knyaz Eristovu öldürür. Bu zaman Hüseynqulu xan xəncərini çıxarıb generalın başını kəsir.
Bu hadisədən sonra rus qoşunları hücuma keçmək əvəzinə, gözlənilmədən geri çəkilirlər. Sisianovun başı İrana, Fətəli şaha hədiyyə göndərilir, başsız cəsədi isə qala qapısının önündə basdırılır. [Дубровин Н.Ф. Закавказье от 1803-1806 года. Санкт-Петербург-1866]
