Bu avqust ayında Yer kürəsinin sakinləri Super Ay astronomik hadisəsini iki dəfə müşahidə edə biləcəklər. Bu haqda bu gün, 1 avqust tarixində Bakuplus.az APA-ya istinadən məlumat verir.
Bakı Dövlət Universitetinin Fizika fakültəsinin Astrofizika kafedrasından əldə olunan məlumata görə, tam Ay fazası öz orbitinin Yerə ən yaxın nöqtəsini keçdikdə super ay meydana gəlir.
Bu zaman Ay 14 faiz daha böyük və 30% daha parlaq görünür.
Super Ay avqustun 1-dən 2-nə keçən gecə müşahidə olunacaq. Ay avqustun 1-də Bakı vaxtı ilə saat 22:33-də tam ay fazasında, perigeydə (Yerə ən yaxın nöqtədə) isə avqustun 2-də saat 09:53-də olacaq.
İkinci dəfə Super Ay hadisəsi avqustun 30-dan 31-nə keçən gecə müşahidə olunacaq.
