AZAL və “Buta” şirkətləri birləşir. Bu haqda bu gün, 28 iyul tarixində Bakuplus.az Azərbaycan Hava Yollarına istinadən xəbər verir.
“Yenilik hər 2 aviaşirkətin ən yaxşı keyfiyyətlərini birləşdirərək sərnişinlər üçün sərfəli tariflərlə səyahət etmək imkanlarını daha da genişləndirəcək”, - deyə paylaşımda bildirilib.
“Buta Airways”ə məxsus bütün reyslər birləşmədən sonra da hazırda mövcud olan eyni sərfəli qiymətlərlə, lakin AZAL brendi altında təklif olunacaq.
AZAL bütün reyslərində yeni “Buta Budget” baqajsız tarifi təklif edəcək. Bundan əlavə, bütün tariflərə əl yükü daxil ediləcək və “Buta Budget” istisna olmaqla, baqajın daşınması norması artırılacaq. Həmçinin sərnişinlərimizə yenilənmiş menyu təqdim olunacaq.
Bütün biletlər AZAL-ın rəsmi saytından satılacaq.
