Bakıda ildən ilə ev heyvanlarının sayı çoxalır. Yeni cinslər meydana çıxır, sahibləri ev heyvanları sənayesinin inkişafını fəal şəkildə izləyir, çünki dördayaqlı dostu üçün ən yaxşısını seçmək istəyirlər - ən yaxşı yemək və yaxud oyuncaq almaq, ən yaxşı baytarı seçmək.
Lakin heyvanlara qulluq təkcə qidalanmaq və təmiz havada gəzməkdən ibarət deyil. Bundan əlavə, ev heyvanlarını vaxtaşırı çimizdirmək, dırnaqlarını kəsmək və bəzi hallarda hətta tükünü kəsdirmək lazımdır. Və bu gün bir çox ev heyvanı sahibləri bu işi peşəkarlara etibar edir və dördayaqlıları gözəllik salonlarına aparır. Təxminən on il əvvəl, paytaxtımızda yalnız ev heyvanları sərgilərində iştirak edənlər qulluğun vacibliyi haqda məlumat ala bilirdilərsə, bu gün heyvanlara salon baxımı artıq çoxları arasında vacib hesab olunur.
Bakuplus.az komandası Bakının müxtəlif rayonlarında yerləşən ən məşhur salonlarını və stilistlərini seçib.
Grooming Station
Salonda tük kəsilməsi, daranması, rənglənməsi xidmətləri göstərilir. Mütəxəssislər, həmçinin gigiyenik prosedurları həyata keçirir, heyvanların dişlərini fırçalayır, caynaqlarını kəsirlər. Salonun daimi müştəriləri arasında həm kiçik itlər və pişiklər, həm də Nyufaundlend və Tibet mastifi kimi iri cins itlər var.
Zoomagic Baku
Salon model tük kəsimi və heyvanların çimməsi və çimizdirilməsi ilə məşğul olur, burada siz dırnaqları kəsə, həmçinin ev heyvanlarınız üçün SPA prosedurları apara bilərsiniz.
Groominq Yuva
Qruminq salonu eyniadlı zoomağazada yerləşir. Burada heyvanların qırxılması, çimizdirilməsi, bit-birənin təmizlənməsi, dırnaqların, gözlərin, burun və qulaqların təmizlənməsi xidmətləri göstərilir.
VIP Grooming Studio
Mütəxəssislər dekorativ cinsli it və pişiklər üçün istənilən mürəkkəblikdə model tük kəsimi həyata keçirirlər. Həmçinin əvvəlki salonlarda olduğu kimi, heyvanların çimizdirilməsi və gigiyena prosedurları da təmin edilir. Onların daxili və xarici parazitlərdən qorunması üçün xüsusi məhlullardan istifadə olunur. Heyvanlar üçün, həmçinin anesteziyadan istifadə edilmədən dişlərin ultrasəs təmizlənməsi təmin edilir. Spa prosedurları mövcuddur. Orijinallığı sevən sahiblərə heyvanların xüsusi təbii əsaslı boyalarla rənglənməsi, həmçinin yun üzərində 3D naxışların kəsilməsi və parlaq tatu təklif olunur. Salonda cinslərin sərgisi üçün hazırlıqlar aparılır. Bundan əlavə, burada qapalı ərazidə gəzinti meydançası olan 15 yerlik mini hotel var.
Grooming Studio
Studiya Bona Vet baytarlıq klinikasında yerləşir və ötən ilin sonunda açılıb. Salonda göstərilən xidmətlər: model tük kəsimi və heyvanların çimməsi və çimizdirilməsi ilə məşğul olur. Burada siz dırnaqları kəsə, həmçinin ev heyvanlarınız üçün SPA prosedurları keçirə bilərsiniz. Studiyada endirimlər və promo aksiyalar keçirilir. Həmçinin studiya öz Instagram səhifəsində ev heyvanlarının sahibləri üçün qayğı ilə bağlı faydalı məlumatlar paylaşır.
