Bu həftə Vətən uğrunda son damla qanına qədər döyüşən Azərbaycan oğulları barəsində çəkilən filmdən bəhs edəcəyik.
“Dolu” filmi müstəqillik dövrümüzdə lentə alınan vətənpərvərlik filmlərinin arasında ən uğurlularından hesab edilir.
Rejissoru Elxan Cəfərov, ssenari müəllifi Aqil Abbasov olan sənət əsəri dünya filmlərinin yer aldığı nüfuzlu reytinq platformasında (İMDb) 10 üzərindən 8.4-lə qiymətləndirilib.
Ekran əsərində hadisələr 1-ci Qarabağ müharibəsi zamanı cəbhə ətrafı kəndlərdə cərəyan edir.
Ermənilərin torpağımıza göz dikərək yerli əhaliyə divan tutması, vəzifə uğrunda gedən mübarizə və işbazların ölkədəki vəziyyətdən istifadə etməsi filmin ana xətti hesab edilir.
Fuad Poladov, Şamil Süleymanlı, İntiqam Soltan, Məmməd Səfa, Rza Rzayev, Elvin Əhmədov və onlar kimi başqa məşhur aktyorlar filmə rəng qatıblar.
Hadisələrlə ahəng yaradan musiqilərin müəllifi Polad Bülbüloğludur.
Filmin yaradıcı heyəti 2013-cü ildə Mədəniyyət və Turizm Nazirliyinin teatr, musiqi, təsviri sənət və kino sahəsində təsis etdiyi "Zirvə" mükafatına layiq görülmüşdür.
Sonda qəhrəmanların Qarabağa qayıtmasını rejissor işğalda olan torpaqlarımızın azad edilməsinə bir ümid yeri kimi göstərib.
[URIS id=70320]
