Axşamınız xeyir olsun, əziz izləyicilər. Ənənəyə sadiq qalaraq, bu bazar da Bakuplus.az komandası sizin üçün kino məsləhət görmək istəyir. Sizi yormayacaq, ancaq düşünməyə vadar edəcək psixoloji film haqda danışmaq istəyirik.
Ad: “Ağıllı Uill Hantinq”
Janr: drama, melodrama
Reytinq: 8.3/10
Vaxt: 2 saat 6 dəqiqə
Hər kəs bir gün həyatda kim olacağı və hansı yol ilə davam edəcəyi haqda düşünməyə başlayır. Bu proses bir çoxları üçün çətin keçir. Kimisi kompleksləri ilə mübarizə aparır, digərləri sadəcə böyük qərarlar verməkdən qorxur, hansı yolun onun üçün düzgün olacağını bilmir.
Danışacağımız qəhrəman da bu suallara cavab tapmağa çalışır. Fenomenal beyinə sahib olan Uill Hantinq küçələrdə böyüyüb və tez-tez xuliqanlıq üstündə tutulur. Onun potensialını görən Massaçusets Universitetinin professoru Uilli öz qanadı altına götürür. Elm adamı gənc vunderkindin tərbiyəsi ilə məşğul olması üçün onu psixoloqa göndərir. Tərs xasiyyətə malik Uill psixoloqlara güvənmir və onları trollamağı çox sevir. Ancaq qarşısındakı da əldəqayırma deyil.
Vunderkid gənc və təcrübəli psixoloq arasındakı söhbətlər sizə, bəlkə də, uzun zamandır narahat edən suallara cavab tapmaqda kömək edəcək. Filmdə əsas məsələ dialoqlara diqqətlə qulaq asmaqdır. Çəkiliş heyəti çətin cümlələr qurulmadan filmin əsas fikrini çatdırmağı bacarıb. Bu səbəbdən də kino bir nəfəsə baxılır. Daha sonra analiz etmədən dayanmaq mümkün olmur.
Filmin ssenarisini 27 yaşlı Mett Deymon və 35 yaşlı Ben Aflek yazıblar. Onlar, həmçinin Robin Uilyams filmdə əsas rolları ifa edirlər.
2 Oskar mükafatına layiq görülən film 138 milyon ABŞ dolları büdcə ilə çəkilib və 226 milyon ABŞ dollarına yaxın qazanc əldə etməyi bacarıb.
[URIS id=76075]
